» Party in the moonlight and dance to the sunrise...



miðvikudagur, nóvember 27, 2002


Liverpool - Man. Utd.

Já nú er heldur betur farið að styttast í því, Liverpool vs. Man. Utd. á Anfield á sunnudaginn, einn af leikjum ársins í fótboltanum og auðvitað verður undirritaður á staðnum.

Er staddur þessa stundina í Reykjavík, betur þekkt sem borg óttans, en legg í hann til Englands á föstudagsmorgunn. Þá hefst fjörið sem mun taka enda á sunnudagskvöldið, eftir það verður gott að hvíla lúin bein í nokkra daga í höfuðborginni.

Það verður því lítið um skrif á bloggið fram á mánudag en þá er aldrei að vita nema eitt stykki ferðasaga líti dagsins ljós.





Fótboltaprófið

1. Roy is 78 yards away from the referee at Old Trafford. David is 65 yards away and Gary 37 yards away. If Roy can run at 21 mph, David at 16mph,and Gary at 6mph, who will be sticking their vein bulging forehead into the ref's face first, assuming Roy does not stop to decapitate an opponent onthe way?

2. If one minute of injury time is taken up in a game for substitutions, and one minute for injuries, how much injury time will be added on by the referee in Man Utd are losing at home?

3. Ryan is a Welshman. Express as a percentage the number of friendly internationals he has missed on a Wednesday evening compared to the miraculous recoveries he has made for the following Saturday when United are back in action?

4. Man Utd are the giants of world football. How many more European Cup finals have they appeared in than Steaua Bucharest?

5. Phil Neville has 37 international caps. If you take away the number of appearances when he was the only adult male in England who could just about kick the ball with his left foot, how many are left?

6. You are the referee at Old Trafford. How near to a visiting defender does Ruud van Kneestillsore need to be to earn a penalty if he goes down in the box? Round your answers down to the nearest 20 yards.

7. Alex and 30,000 of his friends had hotel rooms booked in Glasgow for 15 May 2002. How many chickens were counted before they were hatched?

8. Rio is a good defender. He cost Alex £30m. Sami and Stephane are World Class defenders. They cost Gerard £6m in total. Who got the better deal?

9. Alex has won it once. Bob has won it 3 times. Alex has one, Bob does not. What are we referring to? Explain your answer (because nobody else can!!)

10. Quinton is a non-EU national and needs to play in 70% of games to keep his work permit. Since 1999, he has played 43 games out of a possible 185. Express as a percentage the number of games he has missed, and explain why he has not yet been deported!

11. Diego cost Alex £7.5m and has scored two goals in 34 games. Jamie Carragher has never played for United and has scored twice for them.
a) which of the 2 men is the more potent goalscorer for United?
b) How many more tiers should United build on the Stretford End to ensure Diego's shots remain inside Old Trafford?


þriðjudagur, nóvember 26, 2002


Gúrkutíð hjá bb.is

Svo virðist sem mikil gúrkutíð sé hjá fréttamönnum bb.is ef marka má frétt þeirra um salernisaðstöðu í Náttúrugripasafni Bolungarvíkur.

Þessi frétt leiðir hugann að salernisaðstöðu hjá öðrum aðilum í landinu, sérstaklega í heimahúsum. Ég hef tekið eftir því þegar ég hef farið í hin ýmsu teiti í heimahúsum víðs vegar um landið að salernisaðstaða er almennt algjörlega óviðunandi. Jafnvel er sum staðar ástandið svo slæmt að aðeins er eitt salerni til staðar þó svo að 40-50 manns sé þar samankomið og röðin á salernið nær jafn langt og augað eygir. Það sér það hver heilvita maður að ekki er hægt að una við slíkt ástand, sérstaklega þegar stærstur hluti gestanna er að drekka bjór en eins og alþjóð veit kallar bjórdrykkja á tíðar salernisferðir. Það er því ljóst að salernismál landsmanna er í hinum mesta ólestri þessa dagana.

Því er svo við að bæta að alþekkt er að stól og borð vanti þegar fjöldi fólks kemur saman, úr því verður að bæta hið fyrsta. Svo mætti líka vera spiluð betri tónlist í flestum samkvæmum.

Tökum nú höndum saman og berjumst fyrir því að þessi þjóðfélagsmein verði upprætt hið fyrsta.


X-BB í kosningunum í vor.





Sponsið að bjarga blogginu

Nýjir kostunaraðilar bíða í löngum röðum eftir því að komast að á bloggsíðunni minni. Sannir markaðsmenn vita að gott auglýsingapláss er gulls ígildi í hinum hraða heimi samtímans. Ein mikilvægasta máltíð ársins er sjálfur jólamaturinn. Lítill fugl hvíslaði því að mér að nú sé í uppsiglignu eitthvert mesta æði sem gengið um íslenskt þjóðfélag, í ár verður engin rjúpa á borðum landsmanna um jólin heldur mun meirihluti landsmanna gæða sér á öðrum gómsætum fuglum...



mánudagur, nóvember 25, 2002


Er ég háður netinu?

Ég var tilneyddur til að taka þetta próf, ég skoraði 59% eins og sjá má og telst því vera meðal internet-fíkill.



Are you Addicted to the Internet?

59%


Average@Internet-User.com (41% - 60%)
You seem to have a healthy balance in your life when it comes to the internet and life away from the computer. You know enough to do what you want online without looking like an idiot (most of the time). You even have your own Yahoo club or online journal! But you enjoy seeing your friends and going out to enjoy life away from your computer.




The Are you Addicted to the Internet? Quiz at Stvlive.com!




sunnudagur, nóvember 24, 2002


Ég er loksins búinn að fá sponsor á bloggsíðuna mína:


laugardagur, nóvember 23, 2002



föstudagur, nóvember 22, 2002


Framboðsmál í Norðvesturkjördæmi

Það er ekki hægt segja annað en að framboðsmálin í Norðvesturkjördæmi hafi verið aðal hitamálið í umræðunni síðustu vikurnar. Kjördæmið er myndað af þremur af gömlu kjördæmunum (Vesturlandi, Vestfjörðum og Norðurlandi vestra) og var því ljóst að baráttan um skiptingu þingsæta milli gömlu kjördæmanna yrði mikil.

Umdeilt prófkjör Sjálfstæðisflokksins
Fyrst kom hið magnaða prófkjör Sjálfstæðisflokksins, þar börðust 5 sitjandi þingmenn um 3 þingsæti og því mátti búast við hörkuslag eins og raun varð á. Allir þingmennirnir eru mikils metnir í sinni heimabyggð og börðust þeir allir kröftuglega fyrir pólitískri framtíð sinni í prófkjörinu. En frá upphafi var ljóst að 2 þingmenn af 5 þyrftu að taka pokann sinn að loknu prófkjörinu - þetta var þeim öllum ljóst áður en í slaginn var haldið. Svo fór að Sturla Böðvarsson lenti í 1. sæti, í 2. sæti var Einar Kristinn Guðfinnsson, í því þriðja Einar Oddur Kristjánsson, Guðjón Guðmundsson var fjórði og í 5. sæti hafnaði Vilhjálmur Egilsson. Þáttakan í prófkjörinu var mjög góð, 6 þúsund manns greiddu atkvæði, 3.000 á Vesturlandi, 1.700 á Vestfjörðum og 1.300 á Norðurlandi vestra. Því miður hefur miklu púðri verið eytt í baráttu Sturlu og Vilhjálms um 1. sætið og ber þar hæst umræðan um frjálslega utankjörfundaratvæðagreiðslu á Akranesi. Minna hefur verið fjallað um hina eiginlegu sigurvegara í prófkjörinu, þá Einar Kristinn og Einar Odd en þeir nutu stuðnings flestra þeirra sem atkvæði greiddu í prófkjörinu. Kosning þeirra í 2. og 3. sæti framboðslistans var það glæsileg að hvernig sem barátta Sturlu og Vilhjálms um 1. sætið fer þá verður aldrei hægt að láta það bitna á Einurunum. Slíkt myndi einungis gera fleiri Sjálfstæðismenn óánægða og veikja stöðu flokksins í kjördæminu enn meira.

Hljóðlátt kjördæmisþing Framsóknarmanna
Framsóknarmenn völdu frambjóðendur sína á kjördæmisþingi sínu að Laugum í Sælingsdal um síðustu helgi. Þó yfirbragð kjördæmisþingsins hafi verið rólegra en prófkjör Sjálfstæðismanna þá urðu þar mikil tíðindi þegar Framsóknarmenn sniðgengu Pál Pétursson, félagsmálaráðherra, í kosningu um 1. sæti framboðslistans. Þar með var bundinn endir á þingsetu ráðherrans. Ekki hlaut fyrrverandi aðstoðarmaður Páls, Árni Gunnarsson, náð fyrir augum flokksmanna og dró hann sig þar með í hlé. Efstu sætin hjá Framsóknarmönnum verða þannig að Magnús Stefánsson, fulltrúi Vesturlands, verður í 1. sæti, annað sætið mun Kristinn H. Gunnarsson skipa en hann er fulltrúi Vestfjarða og Herdís Sæmundssdóttir frá Sauðárkróki mun verma 3. sæti framboðslistans. Gömlu kjördæmin þrjú fá þar með hver sinn fulltrúann í efstu sætum listans og þar með gátu flestir haldið sáttir heim á leið frá kjördæmisþinginu. Kristinn H. Gunnarsson er þó ekki sáttur við að hafa bara náð 2. sætinu en ekki kæmi á óvart að ónefndir aðilar innan forystu Framsóknarflokksins hefðu helst viljað Kidda Sleggju út af listanum.

Samfylkingin í vandræðum með uppstillingu
Samfylkingin í Norðvesturkjördæmi ætlar að stilla upp lista fyrir kosningarnar í vor. Kjördæmisþing flokksins hefur þó lagt línurnar fyrir uppstillingarnefndina en listi flokksins á að vera þannig samsettur að í efstu þremur sætunum eiga að vera frambjóðendur úr öllum gömlu kjördæmunum. Nú hafa borist fregnir af því að uppstillingarnefndin ætli að ganga fram hjá Karli V. Matthíassyni, þingmanni Samfylkingarinnar á Vestfjörðum, og bjóða honum aðeins 4. sætið á listanum. Uppstillingarnefnd Samfylkingarinnar hefur líka komist að því að Akurnesingurinn Gísli S. Einarsson á ættir sínar að rekja til Vestfjarða (líkt og ansi margir aðrir sunnan heiða) og því er hann talinn vera fullgildur fulltrúi Vestfirðinga á framboðslista Samfylkingarinnar. Það skal ósagt látið hvort Gísli afsali sér þannig því að vera þingmaður Vestlendinga en allavega er vestfirskt Samfylkingarfólk mjög óánægt þessa ráðstöfun uppstillingarnefndarinnar. Það er ekki aðeins fjötrar gömlu kjördæmanna sem eru að angra Samfylkinguna í Norðvesturkjördæmi heldur takast þar líka á Kratar og Kommar, þ.e. leifarnar af Alþýðuflokknum og Alþýðubandalaginu. Þannig er nefnilega mál með vexti að Gísli S. Einarsson er eini kratinn af líklegum kandídötum í þrjú efstu sætin hjá Samfylkingunni í kjördæminu, allir hinir frambjóðendurnir eru gamlir kommar og það kann ekki góðri lukku að stýra að mati kratanna.

Ekkert hefur enn heyrst frá Vinstri-grænum eða Frjálslyndum en líklegt er að Jón Bjarnason muni skipa efsta sætið hjá VG og Guðjón Arnar Kristjánsson er sjálfskipaður til að leiða Frjálslyndaflokkinn í komandi kosningum.

Hvernig sem endanlegir framboðslistar flokkanna munu líta út þá er það ljóst að það verða aldrei allir ánægðir með niðurstöðuna. Ef Sjálfstæðismenn myndu nota sömu aðferðir og Samfylkingin við að ættleiða frambjóðendur milli kjördæma gætu þeir jafnvel leyst vandann með fulltrúa Norðurlands vestra á framboðslista sínum. Þar sem Einar Kristinn Guðfinnsson er ættaður úr Skagafirðinum þá gæti hann líklega verið fullgildur fulltrúi Norðurlands vestra á lista Sjálfstæðisflokksins í kjördæminu...eða hvað?


fimmtudagur, nóvember 21, 2002


Afmælisbarn dagsins

Bensi bróðir er 39 ára í dag, til hamingju með daginn!

Stjörnuspáin fyrir þá sem eiga afmæli í dag, 21. nóvember, er svohljóðandi: Þú ert hugmyndaríkur og smekkvís, ástríðufullur og uppreisnargjarn. Á komandi ári muntu ganga frá lausum endum og rýma til fyrir nýjum hlutum. Þar hafiði það.





"Enginn veit hvað átt hefur fyrr en flutt hefur"
Eitthvert það allra leiðinlegasta sem ég geri er að standa í flutningum. Sem betur fer er ég sjálfur lítið fyrir búferlaflutninga en aðrir mér tengdir virðast hafa gert slíka flutninga að áhugamáli sínu. Ég hef á síðustu 3 mánuðum tvisvar þurft - nauðugur viljugur - að rétta fram hjálparhönd vegna flutninga. Þá hefur það berlega komið í ljós að viðkomandi aðilar áttu miklu meira af allskonar dóti en þeir töldu. Þar með sannast það að "Enginn veit hvað átt hefur fyrr en flutt hefur". Ég hef því ákveðið að passa mig á því að eignast ekki of mikið af efnislegum hlutum til að auðvelda mér búferlaflutninga í framtíðinni. Einnig ætla ég mér að leita allra leiða til að sleppa við að hjálpa vinum mínum að flytja, ég hef þegar tekið fyrsta skrefið í þeim málum með því að panta mér ferð á leik Liverpool og Man.Utd. um næstu mánaðamót, einmitt á sama tíma og hún Ebba ætlar að flytja - mér finnst það nú too much að standa í flutningum fyrir hana á 3 mánaða fresti


miðvikudagur, nóvember 20, 2002


Stjörnuspá dagsins (fyrir naut eins og mig)

Þú ættir að borga reikninga og huga að fjármálunum í dag. Þú þarft að koma skipulagi á þennan þátt lífs þíns.


þriðjudagur, nóvember 19, 2002


Afmælisbarn dagsins

Hún Ásrún býr í Hannover í Þýskalandi og er 23 ára í dag, til hamingju með daginn Ásrún!

Stjörnuspáin fyrir afmælisbarn dagsins er svohljóðandi:
"Þú ert sjálfstæð, framsýn og drífandi. Þú ert umhyggjusöm en átt það til að vera of stjórnsöm."





Stjörnuspá dagsins (fyrir naut eins og mig)

Þú hefur verið hrókur alls fagnaðar að undanförnu og ættir að taka þér frí frá félagslífinu. Gefðu þér tíma til að vera einn með sjálfum þér.





Góðar fréttir fyrir tónlistaráhugamenn

Í morgun var ánægjulegt frétt á mbl.is "Sonet ehf. hefur keypt helmingshlut í Japis - verslun ehf. sem tók yfir rekstur tónlistarverslunarinnar Japis á Laugavegi í febrúar á þessu ári. Ákveðið hefur verið að hefja aftur verslunarrekstur í húsnæði Japis í Brautarholti 2 og verða báðar verslanir reknar undir merkjum Japis en gagngerar breytingar verða gerðar á rekstrarformi þeirra. Þá hefur Japis ákveðið að lækka verð á innfluttum geisladiskum um 20-30% miðað við almennt smásöluverð." Gott mál hér á ferð, spái því að Skífan lækki verð hjá sér strax og reyni að bola Japis út af markaðnum í hvelli til að losna við samkeppni svo þeir geti hækkað verðið hjá sér aftur og haldið áfram að taka íslenska neytendur í r$#%gatið.





Hvað nammi skyldi ég nú vera...



discover what candy you are @ stvlive.com


mánudagur, nóvember 18, 2002


Brandari dagsins

Eftirfarandi ummæli eru höfð eftir Stefáni Pálssyni í uppstillingarnefnd Vinstri-grænna:

"Skattar eiga að vera tekjutengdir og helst þannig að blæði undan nöglunum á ríka liðinu"

Það er nokkuð ljóst að enginn einasti skattgreiðandi í landinu myndi greiða þessum manni atkvæði sitt.






Efirfarandi pistill birtist í dag á vef Liverpool-klúbbsins á Íslandi, pistillinn hefur vakið mikla athygli og er eftir Eyþór Guðjónsson.

Ástin er alvarlegur andlegur sjúkdómur



Það var í febrúar árið 2000, vorið var að ganga í garð eftir harðan og einmanalegan vetur. Það var þá er Houllier og Heskey sáust fyrst, en það var á ónefndum bar í London á Englandi. Houllier sat við barborðið, einmana, og var að drekka Captein í kók. Allt í einu gekk inn myndarlegur maður, mikill vexti sem svaraði nafninu Bruno. Sjarminn og lífsgleðin geislaði af gjafvaxta drengnum en það var ekki það sem felldi Houllier, það voru augun.



Heskey gekk að barnum og pantaði sér Woody´s, lemmon bragð.....enda verið uppáhalds drykkur Emile frá því að hann varð "löglegur".

Houllier fylgdist með honum um stund en safnaði svo kjarki til þess að fara og kynna sig....viti menn , þegar Houllier klappaði á öxlina hans og hann sneri sér við varð neistaflug, augu þeirra mættust og allt stóð kyrrt um stund....fyrir þeim var enginn annar í heiminum.....þetta var ást við fyrstu sýn!

Upp hófust miklar samræður, en þegar líða tók á kvöldið settust þeir við arineld og héldust í hendur, þögnin sagði allt sem segja þurfti. Fyrst um sinn var þetta long-distance-relationship, þeir töluðu saman í síma daglega og hittust um helgar þegar Liverpool fór að spila á útivelli. Þetta gekk ágætlega um stund en Houllier vildi meira, ekki bara nokkra daga í mánuði. Þá kom lausnin, Heskey reyndist vera fótboltamaður sem spilaði með Leicester. Hann hafði þá einnig spilað undir merkjum Englendinga sem sóknarmaður. Houllier fór að vinna í því að fá Heskey til liðs við félagið og þann 10.mars árið 2000 var draumurinn að veruleika, hann var keyptur undir heitinu "leikmaður" til Liverpool FC á 11.000.000 punda. Houllier var í skýjunum, lífið lék við hann...hann var þjálfari Liverpool, eitt af þremur stærstu félögum í Englandi, og hann hafði fundið "þann eina rétta", prinsinn á hvíta hestinum. Þessi ráðagerð Houllier heppnaðist fullkomlega, nú myndi enginn gruna neitt þó svo að þeir myndu sjást mikið saman enda yrði Heskey með þessu "lærlingur" Houllier.

Sem leikmaður Liverpool FC stóð Heskey ekki undir væntingum, hann spilaði sem sóknarmaður (en færði sig oft útá kant til að vera sem næst Húlla, enda voru þeir nánast óaðskiljanlegir) og hélt guðinum sjálfum útúr liðinu fyrst um sinn þar til hann var seldur 29. nóvember 2001. Honum var gert það fyllilega ljóst að enginn myndi koma upp á milli þeirra, og því var hann látinn taka pokann sinn og fara til Leeds. En Houllier var sama um frammistöðu hans á fótboltavellinum, hann var ánægður að hafa hann hjá sér og vildi allt fyrir Heskey gera svo að hann væri ánægður. Enda var hann ekki keyptur til að skora mörk, eins og flestir strikerar heldur til að skemmta og gleðja Gerard Houllier.

En pressa fylgir því að vera knattspyrnuþjálfari og mikið var pressað á Húlla að kaupa annan framherja sem myndi skora fleiri mörk, enda snýst fótboltinn um að skora fleiri mörk en andstæðingurinn. Því voru fengnir til liðsins strákur að nafni Milan Baros og svo u.þ.b ári seinna El Hadji Diouf. En Heskey hefur alltaf verið óöruggur með sjálfan sig og mjög afbrýðissamur strákur. Hann grét mikið eftir að þessir leikmenn komu og Houllier kenndi í brjóst um elskhuga sinn og sannfærði hann um að Heskey væri striker Nr.1. Honum var ekki skipt útaf í rúma þrjá mánuði þrátt fyrir aðeins eitt mark í deildinni, og var látin spila draghaltur þrátt fyrir að á bekknum væri Milan Baros. Heskey sá þá að Houllier væri alvara og að hann væri ekki bara eitthvað "leikfang" og því tók hann gleði sína á ný.

Í dag eru turtildúfurnar ennþá saman, ástfangnari en nokkru sinni fyrr. Heskey heldur hinum strákunum utan við liðið, þrátt fyrir 5.leiki og 4 mörk hjá Milan Baros, og Houllier er enn stjóri Liverpool. Samband þeirra hefur gengið eins og í sögu og fóru þeir til að mynda í rómantíska ferð til Frakklands á síðasta valentínusardag og endurnýjuðu þar loforðin sem þeir höfðu gefið hvorum öðrum tveimur árum áður, en það gengur ekki eins vel á fótboltavellinum hjá Heskey. Fyrir keppnistímabilið 2002/2003 hafði Heskey spilað 124 leiki og skorað 39 mörk, og eitt mark í PL það sem af er þessu tímabili.

Enginn veit hvað framtíðin ber í skauti sér, en þeir taka einn dag fyrir í einu og eru þakklátir fyrir þann tíma sem þeir fá til þess að dvelja saman. Aldursmunurinn er ekki vandamál á þeim bænum því ástin spyr jú ekki um slíkt.... ....

"Ein sál sem dvelur í tveim líkömum." Höf. Aristóteles

"Ástin er alvarlegur andlegur sjúkdómur" Höf. Platón

"Að elska er að gefa sig á vald þjáningarinnar" Höf. Mlle de L’Espinasse

"Ást er ekki það sem fær jörðina til að snúast. Hún er það sem gerir það þess virði að snúast með"





Dagbækur lögreglunnar geta oft á tíðum verið skemmtileg lesning því stundum reka ótrúleg mál á fjörur varða laganna. Hér eru nokkur nýleg dæmi:

Þjófurinn át sönnunargögnin

Á fimmtudaginn var óskað eftir aðstoð lögreglunnar á Akureyri vegna þjófnaðar úr verslun í bænum. Í ljós kom að einn viðskiptavinur hafði verslað sér franskar kartöflur í búðinni en síðan borðað þær og hent pokanum utan af þeim áður en hann kom að afgreiðslukassanum. Greinilega góð aðferð til að losa sig við þýfi - svo framarlega sem að það sé ætt.



Stal staurum til að skreyta heimilið

Frá lögreglunni á Akureyri: Kl. 01:20 aðfaranótt föstudags sáu lögreglumenn á eftirlitsferð í miðbænum hvar maður greip aðvörunarplaststaur fyrir gangandi vegfarendur af gangstéttinni við Kaffi Akureyri og setti inn í bifreiðina sem hann var í. Viðurkenndi maðurinn strax að hafa tekið staurinn og var með annan samskonar inni í bifreiðinni sem hann hafði tekið af gangstétt í Skipagötu. Maðurinn, sem var nokkuð drukkinn, viðurkenndi að hafa stolið staurunum og ætlað að hafa í herbergi sínu til skrauts. Góður þessi!



Tóku sængurföt sem sárabætur fyrir myndavél

Enn og aftur gerast hlutirnar á Akureyri: Á sunnudaginn voru svo þrír ferðamenn stöðvaðir við að taka sængurföt út af hótelinu sem þeir gistu á. Töldu þeir að stolið hefði verið af þeim myndavél á hótelinu og ætluðu þeir að kvitta fyrir það með sængurfötunum. Er ekki í lagi með menn fyrir norðan?



SMS-hótanir á Ísafirði

Á Ísafirði hefur verið lögð fram kæra vegna hótana og ónæðis sem voru í formi SMS skilaboða í GSM síma. Ísafjarðalögreglan segir slíkt atferli geta varðað hegningarlagabrot og hvetur Ísfirðinga til að afgreiða ágreiningsefni sín á mildan og heiðarlegan hátt. LOL



Brjálað að gera hjá vörðum laganna

Frá lögreglunni á Ísafirði: Einn ökumaður var kærður fyrir stöðvunarskyldubrot í vikunni. Aðrir tveir ökumenn voru kærðir fyrir að leggja ranglega. Þá voru tveir ökumenn kærðir fyrir of hraðan akstur á Ísafirði. Þá var einn ökumaður kærður fyrir að nota ekki öryggisbelti í vikunni. Loks má geta þess að allmargir bifreiðaeigendur voru kærðir fyrir að hafa ekki fært bifreiðar sínar til lögbundinnar skoðunar. Það er greinilegt að lögreglan á Ísafirði hafði í nógu að snúast um helgina og hefur eflaust mikill tími farið í að telja upp öll herlegheitin til að setja í dagbókin, það er greinilegt að hvert smávægilegt afbrot skiptir máli á þessum bænum.






Það er ekki seinna vænna að fara að huga að jólainnkaupunum, allavegana er ég farinn að spá í hvaða geisladiska ég ætla að fá mér. Það er eitt vandamál sem kemur upp þegar maður vill eiga slík viðskipti, það er nefnilega ekki hægt að versla tónlist á Íslandi. Í fyrsta lagi er verðlagið á geisladiskum á Íslandi alveg út úr kortinu. Í öðru lagi er lítið meira en topp 20 til í íslenskum plötubúðum, einmitt sú tónlist sem maður vill ekki hlusta á. Og í þriðja lagi er farið að rýra notagildi íslenskra geisladiska með því að gera þá þannig úr garði að ekki er hægt að spila þá í tölvum (það er samt hægt að copy-era þá látið ekki blekkja ykkur). Það hefur hingað reynst mér best að panta diska frá Amazon í Bretlandi, úrvalið þar er mikið og margbreytilegt og það sem mestu máli skiptir er að geisladiskarnir eru mikið ódýrari þar - meira að segja eftir að tekið er tillit til flutningskostnaðar, tolla og virðisaukaskatts.

Á innkaupalistanum mínum þessa stundina eru m.a. eftirtaldi titlar:

NOW 53



Trance Nation 2003








Það er hægt að nálgast ýmislegt skemmtilegt á netinu eins og alþjóð veit. Nýlega downlodaði ég Hringvöðvalaginu hans Einars Arnar en það nýtur gífurlegra vinsælda víða um hinn vestræna heim. Ég veit að ég er ekki sá eini sem er einlægur aðdáandi Friends þáttanna, þeir sem geta ekki beðið eftir því að 9. sérían komi til sýningar á Íslandi geta nálgast fyrstu 6 þættina hér.


laugardagur, nóvember 16, 2002


Það er sögulegur viðburður sem verður í Laugardalshöll í kvöld, þar fer fram fyrsta hnefaleikasýningin á Íslandi í um 50 ár. Þar etja kappi íslenskir boxarar við bandaríska kollega sína. Ég hvet fólk til að mæta í Höllina í kvöld eða horfa á herlegheitin í beinni á Sýn. Sjálfur ætla ég að eyða kvöldinu með Bakkusi og fara á Kaffi Ísafjörð og sjá Einar Örn og félaga skemmta vestfirskum djammboltum. Það er aldrei að vita nema alvöru íslensk handalögmál verði sýningaratriði hjá Einsa og félögum í kvöld.

p.s. munið eftir því að horfa á Liverpool - Sunderland kl. 14 á Sýn á morgun.

Skál !!!


föstudagur, nóvember 15, 2002


Var að taka próf um það hver af Smáfólkinu ég væri, niðurstaðan kemur ekki á óvart...ég er Charlie Brown



I am Charlie Brown

Which Peanuts Character Are You Quiz






Það lítur út fyrir að það verði bolvísk framlína hjá Völsurum í fótboltanum næsta sumar. Nýlega var greint frá því að Hálfdán (Danni) Gíslason og Jóhann G. Möller væru að ganga í raðir Valsmanna en báðir eiga þeir rætur sínar að rekja til Bolungarvíkur. Danni er borinn og barnfæddur Bolvíkingur og hefur undanfarin ár leikið með Skagamönnum og hefur m.a. afrekað að hampa Íslandsmeistaratitli með þeim. Jói Möller, sem er sonur Oddnýjar Jóhannsdóttur (Kristjánssonar), hefur síðustu ár leikið með FH og ÍBV við góðan orðstýr. Fyrir hjá Val er svo Matthías Guðmundsson, sonur Margrétar Jónsdóttur (dóttir Jóns Eggerts heitins og Jónu Kjartans). Það er því ljóst að Valsarar verða ekki á flæðiskeri staddir með bolvíska framherja næsta sumar.





Hvernig er það, er ekki kominn tími til að fara að halda alvöru klúbbakvöld á norðanverðum Vestfjörðum? Maður er nú fyrir löngu síðan kominn með leið á sveitaballahljómsveitunum sem eru alltaf að spila sömu gömlu lummurnar, þetta er nánast alltaf sama prógrammið hjá böndunum. Tek það fram að þetta á ekki við um allar íslenskar hljómsveitir en svona er þetta nú samt. Við þurfum smá tilbreytingu í djammið og því skora ég á eigendur skemmtistaða á Ísafirði og Bolungarvík að gera eitthvað í málunum...sem allra fyrst.

En að lokum er það helgarskammturinn af trance/techno fyrir hina útvöldu:

Marc Aurel - Running ==> Fyrirtaks eurotrance sem hefur gert það gott í Bretlandi
Liquid Dance - First Time [Sascha van Holt Mix] ==> Lag sem grípur þig við fyrstu hlustun, stórt sánd sem svíkur engan
DJ Bonsi - Wherever You Are ==> Eitt af þeim lögum sem voru vinsæl á Spáni í sumar - góðar minningar ekki satt?
Dee Dee - The One [4 Clubbers Remix] ==> Nýja lagið frá Dee Dee sem gerði Forever vinsælt í sumar, hart og gott remix hér á ferð
Decoy and Roy - Inner Life [Nord vs. Bonka Mix] ==> Þetta lag hefur verið vinsælt hjá plötusnúðum í Evrópu undanfarið - enda tær snilld frá upphafi til enda
Underworld - Born Slippy [CJ Stone Remix] ==> Fáir hefðu trúað því að heyra Born Slippy í trance útgáfa en CJ Stone tekst ágætlega upp í þetta skiptið
Andre Visior - Don't Go ==> Enn ein cover útgáfan af eighties-lagi sem kemur á þessu ári, cheezy en samt þrusugott
4 Clubbers - Together [Megara vs. DJ Lee Remix] ==> Together kemur í kjölfarið á hinu geysivinsæla Children og stendur fyllilega undir væntingum
Svenson & Gielen - Answer The Question [Cosmic Gate Remix] ==> Cosmic Gate klikkar aldrei - hard trance af bestu gerð
Blizzard Brothers - Thunderstruck ==> Já þetta er gamla AC/DC lagið í techno útgáfu - You've been Thunderstruck!


fimmtudagur, nóvember 14, 2002


Þessi blessuðu prófskjörsmál Sjálfstæðisflokksins í Norðvesturkjördæmi eru alveg stórmerkileg. Nú er talað um að Vilhjálmur Egilsson, maðurinn sem var hafnað af kjósendum Sjálfstæðisflokksins í prófkjörinu, ætli sér að fara í sérframboð. Ekki nóg með það, heldur er verið að tala um að hann bjóði fram undir merkjum Sjálfstæðisflokksins þannig að um verði að ræða DD-lista eða eitthvað í þá áttina. Vilhjálmur ætlar sem sagt að stýra varaliði Sjálfstæðisflokksins í Norðvesturkjördæmi í komandi Alþingiskosningum. Hvort eiga Sjálfstæðismenn þá að styðja aðalliðið (D-listann) eða varaliðið (DD-listann)? Af hverju sættir maðurinn sig ekki bara við að vera á bekknum hjá aðalliðinu? Hann er búinn að viðurkenna að hafa tapað í prófkjörinu og að hann sé þar með búinn að missa sæti sitt í aðalliðinu og á þá að fara á bekkinn eða draga sig í hlé. Vilhjálmur tapaði orrustunni, hann hefur ekki þann stuðning sem þú þarft til að komast ofar en í 5. sæti framboðslistans og á að sýna að hann kunni að tapa - annars mun hann aldrei eiga sigur skilið.


miðvikudagur, nóvember 13, 2002


Hverjum dettur í hug að fara í golf í skítakulda um miðjan nóvember? Svar: MÉR. Í gærdag tók ég mér frí í vinnunni til að fara með félögum mínum í golf í 5 stiga hita - réttara sagt kulda - auk þess sem haglél gekk yfir þegar við spiluðum 6. holuna. Skorið var slæmt, bara eitt par á 9 holum og heildarfjöldi högga var 55 sem sagt alltof mörg högg.





Þvílíkur skandall, Liverpool gerði bara 3-3 jafntefli við Basel og eru dottnir út úr Meistaradeildinni. Hvað voru Poolararnir að pæla í fyrri hálfleik, fengu 3 mörk á sig á innan við hálftíma. Af hverju var Húlli ekki löngu búinn að taka Stevie G út af fyrir Salif Diao? Eða hreinlega af hverju byrjaði Diao ekki inná? Þrátt fyrir slæm úrslit þá var leikurinn samt bráðskemmtilegur og ekki var verra að snæða ljúffenga pizzu frá Finnabæ yfir leiknum.


þriðjudagur, nóvember 12, 2002


Klukkutími til stefnu. Já eftir tæpa klukkustund hefst leikur Liverpool og Basel í Meistaradeildinni, ég er að drepast úr spenningi og hef varla getað einbeitt mér að nokkrum hlut í dag. Mínir menn frá Bítlaborginni verða að vinna leikinn og ég spái því að þeir geri það, spáin er 4-2 fyrir Liverpool, gulldrengurinn Michael Owen verður með þrennu og sá ótrúlegi hlutur gerist að Jamie Carragher setur boltann í mark andstæðinganna


mánudagur, nóvember 11, 2002


Vinnuvikan er víst byrjuð aftur og ekkert annað að gera en að hlakka til næstu helgar. Annars var nýliðin helgi mjög vel heppnuð í alla staði, föstudagskvöldið var að vísu rólegt en laugardagurinn var troðinn af spennu og fjöri. Spennan í kringum prófkjör Sjálfstæðismanna í Norðvesturkjördæmi var óbærileg en svo fór að úrslitin voru mér að skapi en þingmennirnir okkar, Einar Kristinn og Einar Oddur hlutu glæsilega kosningu í 2. og 3. sæti. Eftir að hafa sinnt tíkinni - pólitíkinni - hófst fjörið og var laugardagskvöldið lagt undir djamm, Kaffi Ísafjörður var staðurinn og Vítamín var hljómsveitin...frábært band hér á ferðinni sem hélt uppi dúndurstuði á besta skemmtistað Ísfirðinga - kvöldið fær hiklaust fimm stjörnur.

Sunnudagurinn, já þynnka og fótbolti passa alveg hrikalega vel saman, Leeds vann West Ham 4-3 í bráðskemmtilegum leik. Eftir leikinn var tími kominn til að vafra aðeins um netið þar sem ég rakst á geðveikt flottan Lexus IS200 Sport sem var búið breyta umtalsvert.


föstudagur, nóvember 08, 2002


Eftir erfiða meðgöngu er loksins eitthvað að fæðast á þessari annars efnislitlu blog-síðu.
Mæli eindregið með því að þið kíkjið á hann Einar Örn félaga minn.

Þar sem helgin er að ganga í garð er upplagt að benda á nokkur lög sem gera gott djamm betra, leitið t.d. á KaZaA til að finna þessa mögnuðu tónlist.
Drunkenmunky vs. Eminem - Without E (ef þetta hreyfir ykkur ekki þá er eitthvað meiriháttar að hjá ykkur)
Nightwatchers - Insomnia 2002 (gamla Faithless-snilldin komin í nýjan búining)
Jurgen Vries - The Theme [JamX & De Leons DuMonde Remix] (gæða trance, önnur orð eru óþörf)
4 Clubbers - Children [Junkfood Junkies Remix] (þið sem voruð á Benidorm í sumar ættuð að kannast við þessa snilld)
Ferry Corsten - Punk (það brjálaðist allt á KM í sumar þegar þetta lag var sett á fóninn)


miðvikudagur, nóvember 06, 2002


Allt byrjar einhvern tímann, einhvers staðar...


Baldur Smári




  • » Tölvupóstur «

  • » að skoða «

Bloggarar


Tenglar


Líkamsrækt


Huxjónir



ATOM 0.3