miðvikudagur, mars 31, 2004
Svar við gátunni
Ég hefði aldrei getað leyst gátuna um kónginn og arftaka hans, það þarf líka að gefa sér ákveðnar forsendur til að geta leyst hana. Gátan var 10% aukaspurning af miðannarprófi í "Gluggakerfi 1" sem er fag sem er kennt í kerfisfræði við Háskólann í Reykjavík.
Það átti að setja mennina tvo í blóðpróf. Dreyrasýki (síblæði) var algeng í konungsættum fyrr á öldum (enda arfgengur sjúkdómur). Eiginkona kóngsins, þ.e. drottningin, var með dreyrasýki og þ.a.l. voru helmings líkur á því að sonurinn væri líka með dreyrasýki. Þetta vissi sonurinn og hann vissi líka að ef hann færi í blóðpróf þá væru helmingslíkur á að honum myndi blæða út. Ef það eru miklar líkur á að einstaklingur sé með dreyrasýki þá vill hann síst af öllu stefna lífi sínu í hættu með því að fara í blóðpróf... þannig að ráðgjafarnir gátu í raun útilokað manninn sem vildi fara í blóðprófið.
Ef þið viljið fræðast meira um dreyrasýki þá getiði lesið
þessa grein á Doktor.is
» 17:09 // Baldur Smári //
Fegurðin kemur innan frá...
...en hver skyldi nú verða
Fegurðardrottning Vestfjarða 2004?
» 16:06 // Baldur Smári //
(Ó)fullnæging
Einhvern tímann var mér sagt að konur sem eru alltaf að breyta stofunni hjá sér, þ.e. eru alltaf að færa húsgögnin fram og tilbaka, séu ófullnægðar. Það er nokkuð til í þessu, ég tók eftir þessu hjá einni stelpu sem ég þekki, hún var alltaf að breyta einhverju í stofunni. Það kom mér þess vegna ekkert á óvart þegar hún hætti með kærastanum sínum og byrjaði að búa með besta vini hans. Þessi gamli var greinilega ekki að fullnægja þörfum hennar.
En núna þarf maður að líta aðeins í eigin barm, ég hef staðið sjálfan mig að því að hafa verið að breyta útlitinu á þessari bloggsíðu minni ótt og títt undanfarnar vikur... ætli það sé eitthvað svipað í gangi hjá mér?
» 14:30 // Baldur Smári //
þriðjudagur, mars 30, 2004
Ég var einu sinni... nörd
Ég fæ iðulega á mig þann stimpil að vera
nörd... hérna er skilgreining á nörda hugtakinu:
Nerd: A stupid, foolish, socially inept or unattractive person. A person (usually male) who is single-minded or accomplished in scientific pursuits, but lacks social skills. An unpleasant, unattractive, ineffectual or insignificant person. Also geek, anorak, bufty, train-spotter.
Eftir á að hyggja þá held ég sé ekki nörd... og hafi aldrei verið það.
» 14:17 // Baldur Smári //
Gáta
Gátur eru í tísku í dag... hér kemur ein.
Konungur í tilteknu kóngríki deyr og tveir menn halda því fram að þeir séu einkasonur hans og eigi því rétt á að taka við krúnunni. Augljóslega er annar réttmætur arftaki en hinn svikari, hins vegar er ekki vitað hvor er hvað. Ráðgjafar konungsins heitins ákveða að stinga upp á að báðir mennirnir verði settir í tiltekið próf til að hið sanna komi í ljós. Annar þeirra þverneitar að taka prófið en hinn samþykkir. Þetta reynist vera nóg fyrir ráðgjafana, svo þeir vísa þeim úr landi sem samþykkti að taka prófið en krýna hinn sem nýjan konung.
Hvers vegna völdu þeir þann sem vildi ekki taka prófið?
» 12:49 // Baldur Smári //
Mikið um glæpi í Súðavík?
Ef marka má
frétt bb.is af löggæslumálum í Súðavík þá virðist sem sérstaklega þurfi að stemma stigu við afbrotum og hvers kyns slysum þar í bæ. En laganna verðir ætla núna að taka málin í sínar hendur og þá verður Súðvíkingum vonandi forðað frá þessari skæðu afbrota- og slysahrynu.
» 16:11 // Baldur Smári //
Verð ég fyrsti forsætisráðherra Vestfjarða?
Bolvíska stálið er með þetta allt á hreinu. Ég er í það minnsta farinn að undirbúa mig undir harða kosningabaráttu og er farinn að líta í kringum mig í leit að frambærilegum kosningastjóra.
» 13:27 // Baldur Smári //
Mánudagur til mæðu
Helgin er búin og vinnuvikan framundan...
» 11:12 // Baldur Smári //
sunnudagur, mars 28, 2004
Gestabókin
Begga var kvarta undan því að hún væri sú eina sem skrifaði í
gestabókina hjá mér... ég er eiginlega sammála henni en ég hef svo sem ekkert verið að hafa linkinn á gestabókina á áberandi stað á síðunni svo ég get ekki kvartað...
» 19:17 // Baldur Smári //
Sukk og svínarí
Helgin er búin að vera hið mesta sukk og svínarí hjá mér. Nammibannið var týnt og tröllum gefið og ég sleppti því að fara í ræktina í morgun. Það var kannski ástæðan fyrir tapinu í
spurningakeppninni í dag, ég get samt huggað mig við það að liðið mitt var eina liðið sem vann sigurliðið í keppninni.
» 19:10 // Baldur Smári //
laugardagur, mars 27, 2004
hmm...
Læknar eru farnir að mæla með því að fólk
bori í nefið... merkilegt
» 10:07 // Baldur Smári //
She's back!
Bloggdrottningin
Mæja Bet er komin aftur, loksins fær maður að lesa aftur snilldar pistlana hennar sem maður hefur saknað undanfarna mánuði.
» 01:04 // Baldur Smári //
föstudagur, mars 26, 2004
Prófsvindl
Maður getur bara lent í steininum fyrir að
svindla á prófi í Indlandi... hafið þið einhvern tímann svindlað á prófi?
» 16:25 // Baldur Smári //
Óttinn, Pensillinn & Fávitinn
Það urðu tímamót í bloggsögunni á dögunum þegar þrír ungir og efnilegir bolvískir bloggarar sameinuðu krafta sína á
"Röddum þjóðarinnar". Bloggararnir eru annáluð góðmenni og þekktir fyrir einstæðan áhuga á líknar- og velferðarmálum.
Óttinn er samkvæmt heimildum mínum betur þekktur sem Óttar Kristinn Bjarnason en viðurnefnið Óttinn ku vera tilkomið vegna þess að frægt er að Óttar óttist ekki nokkurn skapaðan hlut.
Rögnvaldur "McBomberson" Magnússon er í daglegu tali kallaður
Pensillinn. Nafnið er tilkomið vegna einstakra hæfileika Rögnvalds á sviði listmálunar, enda ekki við öðru að búast þar sem drengurinn hefur verið lærisveinn Halla málara um nokkurt skeið.
Fávitinn er nokkurs konar öfugmæli yfir mannvitsbrekkuna Bjarna Pétur Jónsson sem er best þekktur fyrir fróðleiksfýsn sína auk þess að vera talinn prúðmenni hið mesta.
Raddir þjóðarinnar eru hjartanlega boðnar velkomnar í bloggheiminn.
» 12:14 // Baldur Smári //
Einn góður...
Two old ladies were outside their nursing home, having a smoke, when it started to rain. One of the ladies pulled out a condom, cut off the end, put it over her cigarette, and continued smoking.
Lady 1 : What's that?
Lady 2 : A condom. This way my cigarette doesn't get wet.
Lady 1 : Where did you get it?
Lady 2 : You can get them at any drugstore.
The next day, Lady 1 hobbles herself into the local drugstore and announces to the pharmacist that she wants a box of condoms. The guy, obviously embarrassed, looks at her kind of strangely (she is, after all, over 80 years of age), but very delicately asks what brand she prefers.
Lady 1 : Doesn't matter son, as long as it fits a Camel.
The pharmacist fainted!
» 11:07 // Baldur Smári //
fimmtudagur, mars 25, 2004
Steinbítsfés
Ég er boðinn í mat í hádeginu, þar er á borðum
"Steinbítsfés" sem er nokkuð sem ég hef aldrei bragðað. Steinbíturinn hefur nú ekki fallegasta fésið af fiskunum en það er oft þannig að ljótustu fiskarnir bragðast best.
» 12:11 // Baldur Smári //
miðvikudagur, mars 24, 2004
Bjór
Ef Real Madrid heldur áfram sigurgöngu sinni og verður Evrópumeistari í fótbolta þá verð ég 2 og hálfum kassa af bjór ríkari. Reyndar eru 5 kassar af bjór í pottinum en Berti veðjaði líka á Real Madrid þannig að við skiptum þessu á milli okkar. Vandamálið er bara að ég drekk ekki bjór og Berti er hættur að drekka. Við erum samt með gott plan ef við vinnum bjórpottinn. Við ætlum að bjóða hinum sem eru með okkur í veðmálinu í partý, svo munum við taka bjórinn, opna einn í einu og hella bjórnum niður fyrir framan þá.
» 21:42 // Baldur Smári //
Græðgin varð honum að falli...
Græðgi er ein af höfuðsyndunum sjö, stundum hefnist mönnum illilega fyrir að vera of
gráðugir...
» 14:54 // Baldur Smári //
Eftir einn ei aki neinn...
Þó þetta slagorð sé ekki alveg nýtt af nálinni þá á það alltaf við. Þegar maður sér myndir á borð við
þessar þá fær maður algjört sjokk. Það er ófyrirgefanlegt að aka undir áhrifum áfengis.
» 12:11 // Baldur Smári //
þriðjudagur, mars 23, 2004
Júróvisíon
Ég er ekkert sérstaklega heillaður af
framlagi Íslands til Júróvisíon keppninnar í ár... af hverju var ekki talað við Botnleðju í ár?
» 16:35 // Baldur Smári //
Rekin!
Það er greinilega margt að
varast í Svíþjóð...
» 12:36 // Baldur Smári //
ÚRdráttur vs. ÚTdráttur
Þegar menn tala um "ÚRdrátt" úr t.d. ræðu þá þýðir það að það sé verið að draga úr efni ræðunni, eins og ræðan hafi verið harkalega orðuð og það hafi þess vegna þurft að draga ÚR því sem sagt var. Ef menn tala hins vegar um "ÚTdrátt" þá er verið að stytta ræðuna, taka út meginatriði og þess háttar. Þess vegna finnst mér skrítið að sjá talað um ÚRdrátt úr ræðum
Rannveigar Rist og
Brynjólfs Bjarnasonar á fréttasíðunni hjá Kauphöll Íslands í dag... ég hefði haldið að þarna væri um ÚTdrátt úr ræðum þeirra að ræða.
» 10:58 // Baldur Smári //
Mislæsi
Hvað getur maður kallað það þegar maður les eitthvað vitlaust og fær aðra meiningu út úr setningunni? Ég kallaði þetta bara
mislæsi en eitt slíkt dæmi kom fyrir mig í morgun. Ég var að lesa fyrirsagnir á bb.is og sá þar eina frétt sem mér fannst bera titilinn
"Ropuðu til styrktar ferðasjóðs 10. bekk". Þetta var auðvitað "mislæsi" hjá mér því þarna var ekki verið að "ropa" heldur "röppuðu" einhverjir. Það væri samt fyndið ef einhver tæki upp á því að ROPA til styrktar einhverju góðu málefni.
» 10:44 // Baldur Smári //
Erfiður dagur að baki...
Þetta var nú meiri dagurinn, vaknaði kl. 7 í morgun, fór í ræktina, svo í vinnuna og er þar ennþá.
» 00:06 // Baldur Smári //
sunnudagur, mars 21, 2004
...í hefndarhug
Það fór svo að ég komst áfram í spurningakeppninni í dag. Þetta þýðir að ég þarf að keppa aftur á næstu helgi, sem þýðir að ég kemst ekki suður á næstu helgi. Stefnan hefur því verið sett á að fara til Reykjavíkur eftir 2 vikur, kannski maður ætti þá að skella sér á söngkeppni FF og hvetja Bigga til dáða.
Það er líka ljóst að við hjá LEV mætum kennurunum úr Grunnskóla Bolungarvíkur öðru sinni í spurningakeppninni í undanúrslitunum. Við unnum þá í fyrstu umferð en þar sem reglurnar í keppninni eru svo fáránlegar að
taplið gátu komist áfram á kostnað sigurliða þá opnaðist kennurum úr GB leið bakdyramegin inn í keppnina aftur. Þegar það var búið að draga liðin saman í undanúrslit þá sagði Sólrún sem fer fyrir kennurunum við mig að kennararnir ættu "harma að hefna" frá því í 1. umferðinni. Mér finnst það vanvirðing við okkur að þurfa að mæta kennurunum aftur í keppninni... ef þú tapar þá taparðu... ef þú lendir á móti sterku liði í 1. umferð þá verðurðu bara að taka því. Kennarar eru sem sagt í hefndarhug... sjáum til hvað þeir komast langt á því.
» 18:40 // Baldur Smári //
Spurningarkeppnin
Hálftími í spurningakeppnina í Víkurbæ... ég kominn með hnút í magann... alltaf jafn erfitt að standa upp á sviði fyrir framan alla... verðum að vinna í dag til að komast áfram í keppninni... annars gæti maður misst vinnuna...
» 14:26 // Baldur Smári //
laugardagur, mars 20, 2004
8 kíló á 2 mánuðum
Þessi tíðindi bárust sem eldur í sinu um Víkurbæ í gærkvöldi. Einhver hefur greinilega kjaftað frá því að ég væri orðinn 8 kílóum léttari en ég var fyrir 2 mánuðum þegar ég byrjaði í ræktinni. Sumir segja að ég sé alveg að hverfa en það er nú kannski full mikið sagt. Ég varð einnig var við að það væri farið að orða mig við ákveðnar stelpur á svæðinu. Slíkar sögur eru gjörsamlega úr lausu lofti gripnar.
» 17:39 // Baldur Smári //
föstudagur, mars 19, 2004
Farinn á fund...
Aðalfundur Sparisjóðsins er á eftir og þar þarf ég að vera viðstaddur vinnu minnar vegna. Þetta er það sem kemst næst vísindaferð hjá mér...
» 16:48 // Baldur Smári //
Hlunkur!
Microsoft ætlar sér að setja á markað mp3-spilara til höfuðs
iPod spilaranum frá Apple. Spilarinn gengur undir nafninu
"iPod-killer" og á að koma á markað í Evrópu síðar á þessu ári. Þetta hljómaði allt mjög vel í eyrum mínum þangað til talað var um stærðina á spilaranum... þetta er algjör
hlunkur... þrisvar sinnum þykkari og tvöfalt lengri en iPod og þ.a.l. þyngri líka. Það verður örugglega líka erfitt að spila eitthvað annað en wma-skrár í spilaranum ef maður þekkir Microsoft rétt. Ég mæli með iPod... hann er æðislegur.
» 12:47 // Baldur Smári //
fimmtudagur, mars 18, 2004
Pervert?
Þetta er algjör snilld... þetta verðið þið að sjá...
Farmsluts! (hægri smellið, save target as)
» 21:13 // Baldur Smári //
...í nám til Noregs!
Ég held ég verði að finna mér eitthvað nám við hæfi í
Þrándheimi í Noregi... háskólarnir þar eru með svokallaða
ástarlífstrygginu...
» 14:25 // Baldur Smári //
Eiga konur erfiðara með að hætta að reykja?
Samkvæmt þessari
frétt eiga konur erfiðara en karlar með að hætta að reykja. Þar segir m.a.
" Ástæðan fyrir því gæti verið sú að konurnar verða oft hræddar um að þær fitni ef þær hætti að reykja eða taki upp einhverja aðra siði sem ekki geta talist betri. Eða það sem er verra er að þær hafa ekki nægjanlegt sjálfstraust til þess að leggja í að hætta." Hvað svo sem er til í þessu þá er ég viss um að það er engum hollt að reykja.
» 10:14 // Baldur Smári //
miðvikudagur, mars 17, 2004
Brosi út að eyrum...
Loksins er maður búinn að fá
iPod-inn í hendurnar. 40 GB geymslurými fyrir tónlist og ljósmyndir, keypti líka
Belkin Media reader þannig að ég get hlaðið inn á spilarann ljósmyndum beint úr myndavélinni. Ég ælta ekki að segja frá því hvað þetta kostar... en þetta er allavega frekar dýrt leikfang...
» 21:57 // Baldur Smári //
Þvílík frétt
Rannsóknarblaðamaður bb.is er í
ham í dag... ég ætti kannski að fara að taka hann mér til fyrirmyndar... birti mynd af einhverjum bolvískum Jóni á Jónsmessunni í sumar með tilheyrandi útskýringum á því af hverju Jónsmessa heitir Jónsmessa...
» 19:07 // Baldur Smári //
SAS
Þið vitið hvað SAS er... er það ekki?
Sérfræðingar Að Sunnan. Þeir þykjast vita allt betur en við hin sem búum út á landi... kannski þeir séu bara fornaldarmenn sem hafi ekki áttað sig á því að samgöngur okkar við höfuð"borgina" eru tiltölulega greiðar auk þess sem fjarskiptatækni nútímans gerir það að verkum að það er alveg jafn auðvelt að öðlast sérfræðiþekkingu í "sveitinni" og í "borginni". Ég ber enga virðingu fyrir þessu uppblásna SAS-liði.
» 18:00 // Baldur Smári //
Aldrei fór ég suður...
Nú getur maður loksins farið að tala um þessa
tónleika sem
Mugison - einn af hinum margfræga '76 árgangi úr Víkinni - mun halda á Ísafirði um páskana. Þetta er frábæt framtak hjá Mugison og ég vona að tónleikarnir eigi eftir að heppnast vel.
» 14:21 // Baldur Smári //
þriðjudagur, mars 16, 2004
In a perfect world...
...ég get ekki annað en verið sammála
þessu...
» 23:23 // Baldur Smári //
Þunganir
Það virðist sem það sé einhver frjósemi hlaupin í '76 árganginn... allavega segir slúðrið það...
... spurning um að benda ábyrgum einstaklingum á nýstofnuð
samtök gegn nýburum sem nefnast
“Rólegur dagur, rólegt kvöld” –félag áhugamanna um ábyrgð í nýburamálum.
» 23:10 // Baldur Smári //
"Leiðinda" blogg
Ég var búinn að skrifa langan pistil um ákveðna hluti sem fara í taugarnar á mér... en svo eyddi ég því öllu út... ég nenni ekki að skrifa einhverjar leiðinda bloggfærslur... það er mikið skemmtilegra að skrifa um það jákvæða í lífinu... sem leiðir hugann að því að ég á von á pakka í póstinum á morgun sem inniheldur nýjasta leikfangið mitt...
» 18:19 // Baldur Smári //
Hlaupa !?
Nú ætla stelpurnar í vinnunni hjá mér að fara í heilsuátak, þær ætla að fara út að hlaupa og ætlast til að ég verði með þeim í þessu. Þessi hugmynd freistar mín ekkert sérstaklega.
» 14:32 // Baldur Smári //
Ja hérna...
Þessi
frásögn er hvorki fyrir börn né viðkvæma einstaklinga.
» 22:40 // Baldur Smári //
Endless Summer
Party people!!!!!!!!
The sky has changed. Can you smell the sun?
It's time, for the most exciting season!!
It's time, for summer...an Endless Summer!!!!
Það er svo mikið sumar í loftinu... þess vegna er komin ný könnun á síðuna... "Er sumarið að koma?" Þið svarið því.
Síðasta könnun leiddi það í ljós að 56% ykkar eru í ræktinni... ég er bara nokkuð ánægður með það.
Að lokum...
Love is in the air!!
» 12:28 // Baldur Smári //
Tóm tjara að reykja...
Gæti ekki verið meira sammála...
Það er algjör vitleysa
að reykja
þú brennir peninga
með því að kveikja
í sígarettunni
ó já
Þú brennur heilsunni
minna má nú sjá!
» 11:18 // Baldur Smári //
sunnudagur, mars 14, 2004
Rólegheit
Það er lítið að af frétta af manni í dag... helgin er búin að vera róleg og góð... engir timburmenn enda hefur maður ekki bragðað það í mánuð. Sól og blíða í Víkinni rétt eins og á
Benidorm.
» 15:43 // Baldur Smári //
föstudagur, mars 12, 2004
Togari sem strandaði
Togarinn sem pabbi var skiptstjóri á í 20 ár - sem sagt gamla Heiðrúnin -
strandaði við Grundarfjörð í kvöld. Sem betur fer losnaði skipið af strandstað af sjálfsdáðum... ég á svo margar góðar minningar tengdar þessu skipi.
» 22:15 // Baldur Smári //
Skjár Einn?
Nú er
enski boltinn á leiðinni á Skjá Einn næstu 3 árin... það hreyfir kannski við mönnum um að koma upp einum sendisræfli fyrir Skjá Einn hérna í Víkinni.
» 12:16 // Baldur Smári //
fimmtudagur, mars 11, 2004
Jón Atli á humor.is
18 GB á 9 tímum hefur ratað inn á
humor.is - núna er
Jón Atli orðinn ofurnörd.
» 09:55 // Baldur Smári //
miðvikudagur, mars 10, 2004
Leynist klámstjarna í þér?
Ég ekki verið mjög hrifinn af þessum raunveruleika sjónvarpsþáttum... kannski það verði breyting þar á með þessari nýju
þáttaröð...
» 23:46 // Baldur Smári //
18 GB á 9 tímum
Þetta er bara nokkur góður árangur hjá
Jóni Atla en hann downlodaði 18 GB af efni á 9 klukkutímum... það er greinilega eftirsóknarvert að búa á Stúdentagörðunum. Mér skilst að hraðinn hafi verið 750 kb/s sem þýðir a.m.k. 6 Mbs tenging við umheiminn. Þessi
mynd er tileinkuð þeim sem eru vel tengdir.
» 16:49 // Baldur Smári //
Muna eftir fötunum og rakvélinni...
...annars gæti
skatturinn komist að því að þú hefur bara skilið á pappírunum...
» 11:50 // Baldur Smári //
þriðjudagur, mars 09, 2004
Góður!
Það lá við að ég veltist um af hlátri fyrir framan sjónvarpið í kvöld þegar ég sá viðtalið við gamla manninn sem
steig á bensíngjöfina í staðinn fyrir bremsuna í Ármúlanum í dag.
Það er líklega eins gott að ég passi vel upp á myndirnar af bílnum mínum frá því ég "klessti" hann í fyrra... það var frekar neyðarlegt tilfelli...
» 23:26 // Baldur Smári //
Frímerki á tölvupóst?
Nú vill Bill Gates að við
borgum fyrir að senda e-mail. Þá er best að fara að senda færri og lengri e-maila.
» 14:15 // Baldur Smári //
Sorglegt
Það gæti verið
einhver þarna úti sem vill enda líf sitt. Þetta er sorglegt, líklega einstaklingur sem á framtíðina fyrir sér en þarfnast hjálpar.
» 21:40 // Baldur Smári //
Bað
Maður sem
hefur ekki farið í bað í áratug hlýtur að vera búinn að missa þefskynið.
» 21:01 // Baldur Smári //
Ég væri til í að taka þig...
Mér skilst að ég hafi misst af miklu með því að mæta ekki á Söngkeppni MÍ á laugardaginn... Biggi Olgeirs hreinlega brilleraði með laginu "Ég væri til í að taka þig" sem er betur þekkt sem "I Blelieve In A Thing Called Love" með hljómsveitinni Darkness... Til hamingju með árangurinn Biggi!
» 16:05 // Baldur Smári //
Madonnu til Íslands!
Er ekki tilvalið að fá
Madonnu til að halda tónleika á Íslandi? Ég væri allavega til í að borga slatta fyrir tónleika með henni.
» 14:46 // Baldur Smári //
sunnudagur, mars 07, 2004
Borgarvirki
Ég verð að skoða þetta fyrirbæri einhvern tímann á næstunni. Ástæðan er einfaldlega sú að það var spurning sem snerist um Borgarvirki sem réði úrslitum í spurningakeppninni hjá mér í dag. Við hjá LEV kepptum við kennarana úr grunnskólanum í fyrstu umferð keppninnar, ég var alveg viss um að við myndum tapa keppninni og það byrjaði ekkert alltof vel hjá okkur í dag. Í hraðaspurningunum fengum við 16 stig en kennararnir voru með 17 stig, eftir bjölluspurningarnar var staðan orðin 21-20 fyrir kennarana og eftir fyrri vísbendingarspurninguna var staðan orðin 22-20. Þá var ég alveg orðinn viss um að við myndum tapa þessu... en það voru samt 3 stig eftir í pottinum. Svo kom þessi spurning um eitthvað íslenskt fyrirbæri sem væri stærsta sinnar tegundar sem gert væri af mönnum á Íslandi en enginn vissi nákvæmlega hver hefði gert það. Þarna var ég alveg úti að aka, kennararnir svöruðu fyrst en höfðu rangt fyrir sér... þá tókum við auðvitað bara sjénsinn og Sigrún giskaði á Borgarvirki... sem reyndist svo vera rétta svarið. Þar með unnum við keppnina með 23 stigum gegn 22 og erum komin í 8 liða úrslit sem verða haldin í Víkurbæ eftir 2 vikur... Þið munið svo eftir því að mæta á 8 liða úrslitin til að hvetja mig til dáða...
» 23:32 // Baldur Smári //
Helgin
Það má segja að helgin hafi verið viðburðarík hjá mér. Kíkti í partý til Dodda á föstudagskvöldið og svo aðeins í Sjallann eftir það. Laugardagurinn fór í að fara í ræktina, taka fyrstu golfæfingu "sumarsins", bóna bílinn, kíkja í partý á Ísafirði, fara á grímuball í Krúsinni og líta við á Stuðmannaballinu í íþróttahúsinu á Torfnesi... svo var bara keyrt heim eftir þessa þéttu dagskrá. Byrjaði svo sunnudaginn á því að fara í ræktina og svo tók ég auðvitað þátt í spurningakeppninni í Víkurbæ í dag... og stóð mig með prýði.
» 23:21 // Baldur Smári //
föstudagur, mars 05, 2004
Formúlan
Formúlan byrjar um helgina og ég er að sjálfsögðu búinn að skrá mig til leiks í
Liðstjóraleiknum.
» 22:06 // Baldur Smári //
Símahrekkur
Þessi
símahrekkur er alveg æðislegur.... lesið þetta samt fyrst:
A young husband called up the DJ, asking him to play this prank on his wife for fun. The couple had just bought a new house and had a new baby. This is a recording of the radio DJ pretending to be the husband's boss, calling to apologize to the wife for firing the husband at this bad time. Be sure to pay special attention to the last line spoken by the wife.
» 01:04 // Baldur Smári //
fimmtudagur, mars 04, 2004
Undir fölsku flaggi...
Ekki veit ég hver skrifaði þetta
comment í mínu nafni, hvað þá hvað var verið að commenta á... allavega er viðkomandi að skrifa undir fölsku flaggi og sýnir og sannar væskilshátt sinn... það er nú líka frekar ófrumlegt að fara beint í smiðju Idol-brautryðjandans Simons Cowell og éta upp eftir honum heilu setningarnar.
» 23:03 // Baldur Smári //
Icy Spicy Leoncie
Indverska prinsessan er enn og aftur skemmta landanum með heimsku sinni....
» 21:52 // Baldur Smári //
Ert' í ræktinni?
Það virðist sem flestar vinkvenna minna séu komnar í ræktina og gildir þá einu hvort þær búa í Bolungarvík, á Ísafirði eða á Akureyri. Það er auðvitað ekkert nema gott um það að segja að fólk skuli vilja koma sér í gott form og þess vegna ákvað ég að setja inn örlitla könnun þar sem ég spyr eins og í laginu...
"Ertu í ræktinni?" Ég vil líka minna á
plötudóm um samnefnda plötu sem birtist í dag á Víkaranum en þar fer
bolvíska stálið fögrum orðum um þetta 20 ára gamla meistaraverk frá bolvísku stórhljómsveitinni
KAN.
» 19:25 // Baldur Smári //
Vinirnir
Ég setti inn smá könnun á bloggið um daginn og spurði
Hver væri eftirlætis "Vinurinn" þinn? Niðurstöðurnar voru ansi merkilegar því það kemur í ljós að strákarnir eru miklu vinsælli en stelpurnar eins og sjá má hér að neðan...
Monica (0) 0%
Rachel (1) 4%
Phoebe (5) 19%
Ross (2) 7%
Chandler (11) 41%
Joey (8) 30%
... og aumingja Monica sem er ekki í eftirlæti hjá neinum... ekki einu sinni foreldrum sínum...
» 18:36 // Baldur Smári //
520 GB
Þetta er diskplássið sem ég er kominn með á tölvuna mína, ég veit bara ekki hvað ég á að gera við allt þetta pláss, er bara að nota helminginn af þessu eins og er.
» 18:27 // Baldur Smári //
Stan the Man
Alltaf er
Stan the Man að koma sér í vandræði... það hefur örugglega verið skemmtilegt fyrir blaðamenn
The Sun að fá þessi SMS frá þessari föllnu fótboltastjörnu...
“If you fancy having some fun this evening, ill (I’ll) be at the cp (car park) where we met originally.”
“Lucy is very attractive, and would love to get intimate with her but if you guys at first only want to be watched, then that’s fine.”
» 12:17 // Baldur Smári //
miðvikudagur, mars 03, 2004
Í bláum skugga
Það ku vera Stuðmannaball í íþróttahúsinu á Torfnesi á laugardagskvöldið, spurning hvort maður sjái sér fært að mæta... allavega lítur út fyrir að maður þurfi "bara" að borga
kr. 1.800 inn þar sem menntskælingar hafa alltaf haldið því fram að maður sé algjört gamalmenni - þ.e. ellilífeyrisþegi eins og segir í auglýsingunni.
Ég geri svo ráð fyrir að fólk taki hressilega undir þegar Stuðmenn taka
Í bláum skugga - þetta er nú einu sinni þjóðsöngur MÍ.
» 17:04 // Baldur Smári //
Afi
Stelpurnar á skrifstofunni voru að dáðst af afa mínum í morgun, kallinn er bara 87 ára gamall og fer nær allra sinna ferða á reiðhjóli. Þar fyrir utan fer hann í sund 5 sinnum í viku, fer á hverjum degi í göngutúr með ömmu og fer í sérstakan leikfimitíma hjá eldri borgurum. Það er nokkuð ljóst að sumir afkomenda hans (nefni engin nöfn) mættu taka hann sér til fyrirmyndar, sérstaklega þeir sem keyra alltaf í vinnuna þó það taki bara 5 mínútur að fara gangandi. Nú er það bara stóra spurningin, ætti maður að leggja bílnum, gera við hjólið og taka kannski smá göngutúr áður en vinnudagurinn hefst?
» 11:56 // Baldur Smári //
þriðjudagur, mars 02, 2004
Afmælisbarn dagsins
Einar Örn er 25 ára í dag... bloggara dauðans er að sjálfsögðu óskað til hamingju með daginn...
» 17:56 // Baldur Smári //
Too Good To Be True?
Í dag er ógrynni af alls konar gylliboðum sem flæðir yfir mann, t.d. í tölvupósti og í auglýsingum á netinu. Það síðasta sem ég sá var
Re: Birth Mobiles sem er með matrix-kerfi þar sem þú átt að byrja á því að borga fyrirtækinu 20 pund (2.600 krónur) og svo þegar ákveðið margir í viðbót (sem skrá sig á eftir þér) hafa greitt 20 pund þá átt þú að fá sendan til þín t.d. farsíma, iPod eða jafnvel fartölvu. Þetta hljómar vel, ekki satt? Í mínum eyrum hljómar þetta alltof vel, þetta er eiginlega
"Too Good To Be True".
Matrix-kerfið, eins og mörg önnur sölukerfi, byggist á því sem kalla mætti
"Hver er mesta fíflið?"-aðferð sem byggist á því að þeir sem koma síðastir inn í kerfið - mestu fíflin - borga brúsann fyrir þá sem á undan hafa komið.
Það stofnar enginn fyrirtæki nema í þeim tilgangi að reyna að hagnast á því, það sama á við um þá sem standa fyrir þessum sölukerfum. Mig langar að sýna ykkur hvernig matrix-kerfið virkar. Tökum dæmi af
iPod 40GB spilaranum. Apple verðleggur iPod 40GB spilarann á 499 dollara, sem er u.þ.b. 270 pund sem jafngildir 35 þús. kr. Til að fyrsti maðurinn sem skráir sig fyrir iPod fái sinn spilara frían þurfa 32 aðrir að koma á eftir honum og borga fyrir það (32x20) 640 pund. Það má því ætla að Re:Birth fyrirtækið hagnist a.m.k. um 370 pund á hverjum iPod-spilara sem gengur út. En nú eru 33 búnir að skrá sig á listann fyrir iPod, einn er búinn að fá sinn spilara en 32 bíða spenntir eftir að detta í lukkupottinn og fá iPod-inn sinn á 20 pund. Sá sem var númer 2 í röðinni þarf að bíða eftir 33 í viðbót, sá þriðji þarf 66 í viðbót og svo koll af kolli. Segjum sem svo að ég hafi verið númer 33 á listanum... ég þarf þarf að bíða eftir því að 1.056 skrái sig í viðbót... og sá sem verður svo heppinn að fá að vera sá sem borgar 20 pund (sem sagt nr. 1.056 á eftir mér) til að ég fái minn iPod þarf líklega að bíða eftir nærri 35 þús. skráningum.
Er þetta ekki gáfulegt?
Ég ráðlegg engum að láta ginna sig út í að taka þá svona svikamyllu, það væri hins vegar viturlegra að stofna fyrirtæki til að reyna að græða á bláeygðum einstaklingum með þessum aðferðum.
Niðurstaða mín er einfaldlega:
Fólk er fífl og enn og aftur sannar það sig sem maður lærði hjá Þjóðólfi hagfræðinni...
There's no such thing as free lunch...
» 12:42 // Baldur Smári //
Greyið Kiraly
Allt er hægt, þessir fótboltamenn
slasa sig þó þeir sitji allan leikinn á tréverkinu...
» 15:40 // Baldur Smári //