Heimilisstörfin eru fótboltamönnum hættuleg... svona fréttir koma manni alltaf í gott skap :o)

Helstu tíðindi gærdagsins voru að Grímur Atlason hefur verið ráðinn bæjarstjóri í Bolungarvík. Grímur er 35 ára þroskaþjálfari og umboðsmaður hljómsveita og hann bloggar.

Sumarið er líklega loksins komið.

Það eru einhverjar sögur í gangi um að bæði Stuðmenn og Paparnir verði að spila hérna fyrir vestan helgina 28.-29. júlí... veit einhver meira um málið?

Það er varla hægt að kalla þetta helgarskammt en þetta er allavega nýjasti playlistinn í iTunes hjá mér. Ágætis blanda af nýrri og aðeins eldri tónlist.

1. Daddy Yankee f. Snoop Dogg – Gangsta Zone
2. Beyonce feat Jay-Z – Déjà vu
3. Justin Timberlake – Sexyback
4. Nelly Furtado – Manetaer
5. Mousse T vs. The Dandy Warhols – Horny As A Dandy
6. Muse – Supermassive Black Hole
7. Killers – Somebody Told Me (Mylo Remix)
8. Mylo – In Your Arms (Tocadiscos Zwischen Den Stuehlen Mix)
9. G-Spott – Sadness
10. Teamsters – Feels Like Love
11. Kortzeman feat. Rozalla – Everybody’s Free 06 (7th Heaven Radio Mix)
12. Supermode – Tell My Why
13. Gregor Salto feat Helena Mendes - Viajar
14. Akcent – Jokero
15. United Beats – Por Que No (Alex Megane Radio Edit)
16. Pulsedrivers – Vagabonds
17. Pirates Of The Caribbean – He’s A Pirate (Tiesto Radio Edit)
18. Club Scene Investigators – Direct Dizko (Klubbheads Radio Edit)
19. Fedde Le Grand – Put Your Hands Up For Detroit
20. 2 Unlimited – No Limit 2006

Ég fagna því að Subway hafi áhuga á að koma til Ísafjarðar.

Ég hef ekki spilað mikið golf undanfarið en ég hef samt sem áður verið að standa mig ágætlega. Af síðustu 7 hringjum sem ég hef spilað hefur aðeins einn verið yfir 46 höggum og það þýðir að ég er að spila á forgjöfinni minni. Ég hef það samt á tilfinningunni að ég eigi nokkuð mikið inni og ætti að lækka mig eitthvað í sumar. Eitt af markmiðum sumarsins er að komast niður fyrir Halldór bróður í forgjöf en annað markmið er að komast í 15 í forgjöf áður en ég fer til Spánar í haust.

Þessi svokölluðu "grjótnet" á Óshlíðinni hafa fyrir löngu síðan sannað að þau virka ekki. Þetta kom til að mynda í ljós á mánudagsmorgun þegar ljóst var að grjótskriða hafði fallið á veginn fyrr um nóttina með þeim afleiðingum að fjórir stjórir steinar höfðu rifið netmöskvana og staðnæmst á veginum. Þetta voru ágætis hnullungar eins og sjá má á þessari mynd og það hefði líklega ekki þurft að sökum að spyrja ef einhver bíll hefði lent í þessu grjóthruni.

En eins og í fótboltanum þá eru ekki allir boltar sem rata í netið, grjóthnullungar sem þessir geta líka lent beint á veginum án viðkomu í grjótnetinu og er þá allt eins líklegt að þeir haldi för sinni áfram út í sjó. Við Bolvíkingar sitjum því uppi með varnir sem virka ekki á þessum eina þjóðvegi sem tengir okkur við alheiminn.

Nú getur maður fetað í fótspor Zinedine Zidane og skallað Marco Materazzi í tölvuleik...alltaf gaman að sjá Ítali liggja í grasinu ;o)

Ásrún bauð mér í grillveislu í Skálavík á sama tíma og úrslitaleikurinn á HM var í sjónvarpinu. Þar sem veðrið var einstaklega gott ákvað ég að slá til og skellti mér á slóðir forfeðra minna en Bensi afi var einmitt fæddur og uppalinn á Meiri-Bakka í Skálavík. Þessi mynd sýnir svæðið þar sem Meiri-Bakki - bær langafa og langömmu - stóð fyrir einni öld síðan.

Skálavíkin skartaði sínu fegursta í sólarblíðunni og húsráðandi tók á móti okkur með sínum hætti. Sumarbústaðurinn var ekki sá stærsti í heimi en þegar inn var komið var ljóst að nægjusemi var lykilorðið. Gamli sveitasíminn var á sínum stað og virkar víst vel, mig minnir að símanúmerið sé "3 stuttar". Áður en haldið var heim á leið sýndi Ívar meðal annarra skotfimi sína og fékk þessi bjórdós að aldeilis að kenna á því.

Ég er byrjaður að flytja mig upp á Völusteinsstræti en í fyrstu er þetta bara einn og einn kassi í einu. Ég hef komist að því að ég á heilmikið af alls kyns dóti sem ég hef mismikla þörf fyrir. Eitt af því eru geisladiskar en í gegnum tíðina hef ég verið duglegur að kaupa mér tónlist og á orðið gott safn geisladiska. Ég held að núna sé góður tímapunktur til að telja geisladiskana... þið megið giska á hve margir þeir eru, sá sem kemst næst réttri tölu fær kippu af Carlsberg að launum.

Meistaramót GBO hefst í dag og auðvitað er formaðurinn á meðal þátttakenda. Ég geri ekki ráð fyrir að verða í toppbaráttunni í mínum flokki (2. flokkur) en það getur auðvitað allt gerst.

Það lítur allt út fyrir spennandi og skemmtilega keppni í 1. flokki þar sem nær allir sterkustu kylfingar klúbbsins verða með. Ég spái því að Gunnar Már verði í 1. sæti, Chatchai verði nr. 2 og Röggi nái 3. sætinu.

Í öðrum flokkum spái ég eftirtöldum sigri:
2. flokkur - Palli Rós
3. flokkur - Sveinbjörn Rögnvalds
Öldungaflokkur - Svenni Ragnars
Kvennaflokkur - Dísa
Unglingaflokkur - Elías Jóns

Ég er staddur í borg óttans og er megintilgangur veru minnar hér að versla ýmislegt inn í húsið mitt. Það er af nógu að taka og innkaupalistinn er langur. Listinn styttist örlítið í dag en ég vona að það gangi betur á hann á morgun. Ég get ekki annað sagt en að mér finnist gaman að standa í svona innkaupum, það er nefnilega ótrúlega gaman að geta byrjað alveg frá grunni í því að skapa sér eigið heimili. Að sama skapi er það frekar dýrt að þurfa að kaupa allt nýtt inn í búið. Þá er best að hugsa til þess að maður getur ekki gert allt í einu og verður því að forgangsraða og þá verða óþarfa hlutir að víkja fyrir nauðsynjum.